Нийслэлийн Засаг даргын А/388 дугаар захирамж, дүүргийн Засаг даргын А/60, А/207 дугаар захирамжийн хүрээнд Баянгол дүүргийн хэмжээнд 2022 онд 1341 гарааш буулгаж газар чөлөөлөхөөр төлөвлөсөн. Тэгвэл өнөөдрийн байдлаар дүүргийн хэмжээнд 792 гарааш чөлөөлж, тохижилтын ажлыг эхлүүлээд байна.
* Мөн өнгөрсөн Баасан гарагаас эхлэн дүүргийн 6, 19 дүгээр хороонд байрлах 65 гараашийг буулгаж эхэлсэн бөгөөд газар чөлөөлөх ажил үргэлжилж байна.
* Иргэдийн эрүүл, аюулгүй орчинд амьдрах орчинг бүрдүүлэх, явган хүний зам, талбайн хүрэлцээ хангамжийг нэмэгдүүлэх, Онцгой чиг үүргийн байгууллагуудын тээврийн хэрэгслийг чөлөөтэй нэвтрэх, тохижилтын ажил гүйцэтгэх боломжийг бүрдүүлэх зорилгоор хийж байгаа ажлыг дэмжиж буй дүүргийнхээ иргэд, оршин суугчиддаа БАЯРЛАЛАА.
