Хөдөө аж ахуйн бирж ТӨХХК, МХААХҮХ хамтран Зах зээл ба бэлчээрийн удирдлагын хөгжил төслийн санхүүжилтээр “Хоршоо чадавхижуулах, биржийн зах зээлийн мэдлэг олгох” онол практик хосолсон 3 өдрийн сургалтыг зохион байгууллаа.
Тус сургалтаар түүхий эд бэлтгэгчийн онолын сургалт, түүхий эдийн стандартын танилцуулга, биржийн барааны тодорхойлолт, код олгогчын сургалт, Үүсмэл санхүүгийн хэрэгсэл, бараа, түүхий эд түүний гэрээний стандарт, Клиринг, төлбөр тооцоо, агуулахын бүртгэлийн болон арилжааны системд хэрхэн ажиллах тухай, Түүхий эдийн сорьц авах шинж чанарыг тодорхойлох зэрэг сэдвээр явагдлаа.
Энэ үеэр Мал эмнэлэг, эрдэм шинжилгээний хүрээлэнгийн Ноос, ноолуурын лабораторийн эрхлэгч Д. Нарантуяа “Түүхий эдийн сорьц, авах шинж чанарыг тодорхойлох нь” сэдвээр хичээл орсон ба хоршоодын ноолуурын дээжинд орчин үеийн зөөврийн багажаар ноолуурын голчийг шинжилж, шинжилгээний дүнг танилцуулсан юм.
Мөн сургалтад оролцогчдыг “Лора Пьяна Монголиа” ХХК-ийн түүхий эдийн агуулах, “Сор кашимер” ХХК- ийн ноолуурын үйлдвэрийн технологи үйл ажиллагаатай танилцуулж, түүхий эдийн чанар бүтээгдэхүүний чанарт хэрхэн нөлөөлдөг талаар мэдээлэл өгч, арилжаанд орох ноолуурт биет үзлэг хийж баталгаажуулалт хийх талаар мэдлэг олгов.
Нийт сургалтад оролцогчдод сертификатыг олгосон ба хоршоодын агуулахын түүхий эд хариуцсан 12 ажилтанд “Биржийн бараа кодлогчийн эрх олгох” үнэмлэхийг олголоо.
