Б. Тамир: “Бид хоёрын хамгийн их нандигнадаг зүйл бол Хайр минь шүү дээ. Бид хоёр яг нэг хүн шиг бодож сэтгэдэг. Үйлдэл бүхнээ шүү. Хайр л хүнийг ийм болгодог байх аа.. Болороо өмнө нь дөрвөлжин, би таван хошуу хэлбэртэй байсан бол одоо бид хоёр тэр дүрсээ эвдсээр байгаад бөөрөнхий болчихсон байх.”
Аюулт ховор төрлийн ясны хорт хавдар өвчинтэй тэмцэж буй амьдралаараа 2015 онд влог хөтлөн үеийн залууст болон ижил төстэй өвчтэй хүмүүст зориг өгөн дэмжиж, “Хайрын хүч” хандивын тоглолтыг хүртэл зохион байгуулж эцсээ хүртэл өвчнийхөө эсрэг тэмцэж үлгэр жишээ болж байсан хосууд болох Б. Тамир түүний гэргий С. Болормаа нарыг бид бүгд мэднэ.
Гэвч амьдрал санаснаар болоогүй нь харамсалтай…Бидний мэдэхгүй олон зүйл ч байгаа.. Чухам хөшигны ард юу болсон? Хосууд юуг туулсан? Хэрхэн тэмцсэн? гэх талаар Удахгүй 2022.06.03 нд нээлтээ хийх “Үүрдийн хайр “ УСК-нд харуулжээ.
Уг бүтээлийн Ерөнхий найруулагчаар Аполло филмийн Найруулагч Ц. Анхбаяр ажилласан бөгөөд кино зохиолыг зохиолч , найруулагч МУСТА Л.Таванбаяр болон Ц. Анхбаяр нар хамтран бичсэн юм. Кино багийн ерөнхий зураглаач МУСТА Г. Гүенбаатар, гэрэлтүүлэгч МУСТА Э. Батнямбуу, ерөнхий зураач МУСТА Ц. Хүрэлбаатар, дууны найруулагч МУСТА Л. Цэрэнтогтох, хөгжмийн зохиолч Д. Мөнхболд /A SOUND /нар өмнө нь “37-р точка” , “Маш нууц”,” Байтаг богд”, “Тэнгэрээс буусан од” , “Халуун зүрх” гэх мэт шилдэг уран бүтээлд ажилласан туршлагатай баг хамт олныг бүрдүүлж хийснээрээ давуу тал болжээ.
Найруулагч Ц. Анхбаяр: “ Би гол дүрийн жүжигчнээ маш удаан хайсан. Хайгаад л…Хайгаад л… Пробны өрөөнд Хунаа-г орж ирэхэд кино багаараа шоконд орсон.“ Энэхүү бүтээлийн бодит хосууд болох Б. Тамир түүний гэргий талийгаач Болормаа нарын дүрд О. Амгаланбаатар, Б. Хунцэнгүүн нар тоглосон бөгөөд дүрүүдийг талийгаач С. Болормаагийн ээж П. Сүрэнхорлоо анх хараад нулимс дуслуулан зогтуссан гэдэг. Энэхүү олон олон нууцаар дүүрэн бүтээл 2022.06.03 нд бидний мэлмий сонорт хүрэхээр бэлэн болоод байна.
