Хүнс, хөдөө аж ахуй, хөнгөн үйлдвэрийн яамны харъяа Хөдөө аж ахуйн бирж ХХК нь 2013 оны 04 дүгээр сарын 08-ны энэ өдөр малын гаралтай түүхий эдийг биржээр анх удаа арилжсан байдаг.
Биржийн анхны арилжаанд 4 хэлцлээр 145 сая төгрөгийн үнэ бүхий 2.1 тонн ямааны ноолуурыг арилжсан байдаг түүхтэй.
Хөдөө аж ахуйн бирж үйл ажиллагаандаа ил тод, шударга зарчмыг баримталж, Монгол Улсын аймаг, сум бүрээс “онлайн” арилжаанд оролцож буй бараа, түүхий эд бэлтгэгч бүрийн тэгш оролцоог хангаж, бараа, түүхий эдийн үнэ, ханшийн мэдээ, мэдээллийг цаг алдалгүй орон даяар шуурхай хүргэдэг. Мөн олон улсын жишигт нийцсэн техник, технологийн шийдлийг санал болгосноор хөдөө аж ахуйн салбарын түүхий эд бэлтгэгчид өөрийн хөдөлмөр, баялгийг зах зээл дээр зүй зохистой үнэлүүлэх, улмаар бизнесийн орчинг бодитой үнэлэх, төлөвлөх боломжийг бүрдүүлэх зорилготой байгууллага юм.
