“UNIVAL” энтертайнментын уран бүтээл болох “Миний сахилгагүй залуу” УСК киноны нээлт 2022 оны дөрөвдүгээр сарын 1-ний өдөр боллоо.
Цар тахлын нөхцөл байдлаас болоод 2 жилийн хугацаанд завсарласан задгай талбайн нээлт үнэхээр олон залуучуудыг цуглуулсан байлаа. Энэхүү киноны нэг онцлог нь залуу уран бүтээлчдийг дэмжсэн уран бүтээл болох нь харагдаж байв.
Тус кино нь жүжигчин Цогтоогийн тоголсон анхны романтик кино байлаа.
Энэ үеэр жүжигчин Л.Гантулга Соёлын тэргүүний ажилтан цол тэмдэгээр шагнагдлаа.
Тус киноны нээлтийн үеэр уран бүтээлчдийн байр суурийг тодруулж, уг киноны талаарх сэтгэгдлийг асуусан юм.
Киноны гол агуулга: Гэрэлт гэх бүтэл муутай хоккейн тамирчин залуугийн баг нь олон оноогоор хожигдож байсан ч зориг гарган хайртай бүсгүй болох Амирланд тоглолтын дундуур гэрлэх санал тавина. Амирлан зөвшөөрч тэд найзуудтайгаа хуримын зураг авалт хийлгэхээр аялалд гарсан боловч хөтөчөөр нь Амирлангийн өмнөх найз залуу болох Түвшин хамт явахаар болно.
