Засгийн газрын сангуудыг шалгуулаx Ардчилсан намын өргөдөл, Урьдчилан xориx ангид хоригдож байгаа Э.Бат-Үүлийн хэвлэн нийтлэx эрxийг хассан талаарx АН-ын гомдлыг шалгаж буй процесс болон цаг үеийн бусад асуудлаарx АН-ын байр суурийг танилцуулж байна.
Ардчилсан Намын дэд дарга Ц.Оюундарь: Э.Бат-Үүлийн хэвлэн нийтлэх эрхийн хаасан талаар намаас гомдол гаргасан. Гомдлын шалгалтын явц хийгдэж байгаа. Цаасаар гарсан шийдвэр байхгүй учраас түүний нийтлэлийг гурав хоногийн өмнө нийтэлсэн. Нийтлэлд Украины дайныг дэмжсэн, ОХУ-ыг буруутгасан зүйл байхгүй. Харин ОХУ-ын Украинд хийж буй дайны цаад учир шалтгааныг өөрийнхөө өнцгөөс тайлбарласан юм.
Хэвлэн нийтлэх эрхийг нь сэргээсэн тул Э.Бат-Үүл өлсгөлөнгөө зогсоосон.
АН-ын Хууль зүйн асуудал хариуцсан нарийн бичгийн дарга О.Баасанхүү: Нийгэмд олон асуудал өрнөж байна. Дарханы замаа 5 жилийн хугацаанд барьж чадахгүй байна. Ам.доллар 3000 давчихсан. Ханшийн зөрүү аймшигтай байна. Бинзен 3000 давчихлаа. Экспорт зогсоод байна. Бараа бүтээгдэхүүний үнэ 70-аас дээш, өргөн хэрэглээний барааны үнэ 140 хувиар өссөн байгаа. Ус, дулаан, цахилгааны үнэ өсөж нийтээрээ ядууралд ороод байна. Энэ асуудлыг Засгийн газар шийдэх ёстой ч харамсалтай нь шоу хийгээд эхэллээ.
Өөрөөр хэлбэл энэ зүйлүүдэд анхаарах анхаарлыг сарниулахын тулд Хөгжлийн Банк нэртэй хөөн хэлэлцэх хугацаа нь дууссан асуудлыг оруулж ирж байна. Энэ нь АН-ынхныг муухай харагдуулах гэж. Мөн ард түмний сонирхолыг өөр тийш нь чиглүүлэх гэсэн санаа. Үнэхээр Хөгжлийн банкны асуудалтай тэмцэх гэж байгаа бол 2020, 2021 оны ажлын тайланг ил гаргах ёстой. Тэгээд бүгдээрээ хэн нь их идсэн бэ гэдгээ ярих цаг болжээ.
АН-ын даргын сонгуульд өрсөлдөж байгаа Х.Баттулга нэр төрөө цэвэрлэх хэрэгтэй. Хэрэв хэрэгт холбогдсон нь үнэн бол төрийн ажилд оролцохгүй байх нь зөв. АН-ын даргад өрсөлдөж байгаа энэ явдлыг бидний зүгээс намын гишүүдийг төөрөгдүүлж, хагалан буталж байгаа явдал гэж харж байна.
МАН-ынхан өчигдөр их инээдтэй шоу хийлээ. Ард түмэн ядуу байхад улс төрийн тоглолт хийхээ болиоч гэж хэлмээр байна. Тодруулбал, есөн гишүүнээ шалгуулна гэдэг инээдтэй мэдэгдэл хийж, иргэдийн анхаарлыг өөр тийш нь чиглүүлж байна. Ард түмэн ядуу байхад АТГ-аа, улсын прокуророо улс төрийн шоуны нэг хэсэг болгохоо болих хэрэгтэй. Хоёрдугаарт, МАН мөрийн хөтөлбөртөө ипотекийн зээлийн урьдчилгааг Засгийн газраас төлж өгнө гэж амлалт өгсөн. Нийгмийн даатгал төлдөг бүх хүний ипотекийн зээлийг төлж өгнө гэсэн. Тэр амлалтаа санаж байгаа бол 2020 оны зургадугаар сараас хойш энэ хэрэгжсэнгүй гэдгийг сануулъя.
Сангийн зээлийн асуудлыг ил болгож яримаар байна. Эрх баригчид авлигатай тэмцье гэж байгаа бол Зөрчлийн, Эрүүгийн хуулиа өөрчлөх нь зүйтэй” гэлээ.
