Биржийн итгэмжлэгдсэн агуулахын түүхий эд хариуцсан ажилтныг чадавхжуулах “Биржийн бараа кодлогч”-ийн сургалтыг 2022 оны 3 сарын 28-наас 29-ний өдрүүдэд Хөдөө аж ахуйн бирж ХХК-аас зохион байгууллаа. Тус сургалтад идэвхтэй үйл ажиллагаа явуулдаг итгэмжлэгдсэн агуулахын болон хоршооны 20 ажилтнууд оролцсон юм.
Сургалтаар малын гаралтай бараа, түүхий эдийн шинж чанарыг тодорхойлох, ангилах, стандарт, техникийн шаардлагыг таниулах, голч, чийглэг тодорхойлох шинжилгээний арга зүйг эзэмших зэрэг мэдлэгийг танхим болон лабораторийн дадлага ажлыг хослуулан олгосон юм.
Хичээлийг ХААИС-ийн Мал аж ахуй, биотехнологийн суруулийн багш, Доктор Л.Норовсүрэн, Хөнгөн үйлдвэрийн судалгаа хөгжлийн хүрээлэнгийн эрдэмтэн нарийн бичиг, доктор С.Цэрэндулам нар заасан бөгөөд суралцагсад ХААИС болон ХҮСХХ-ийн лабораторит сорьц шинжлэх дадлага ажлыг түүхий эд нэр төрөл бүр дээр хийж дадлагажсан байна.
Мөн биржийн барааны тодорхойлолт кодлолт, биржийн арилжаанд хэрхэн орох, арилжааны программд ажиллах, итгэмжлэгдсэн агуулахын шалгуур үзүүлэлтийг хэрхэн хангаж ажиллах талаар мэдлэгийг олгов.
