Сангийн сайд Б.Жавхлан: Орос Украины мөргөлдөөний талаар Засгийн газрын хуралдаанаар байнга хэлэлцэж байна. Эдийн засгийн хувьд тодорхой хэмжээний нөлөөлөл үзүүлэх эрсдэлтэй. ОХУ хийж буй гадаад худалдааны дийлэнх нь импорт, манай улсаас тус улс руу гаргадаг экспортын хэмжээ маш бага. Хятадтай хийх экспорт ашигтай явдаг тул төлбөрийн тэнцлээ нөхдөг.
ОХУ-аас шатахууны хэрэглээний 75 хувийг авдаг. Стратегийн гол бүтээгдэхүүн болох шатахууны хувьд Монгол Улс нь ОХУ-аас 100 хувь хамааралтай.Өнөөдрийг хүртэл манай улсад хийж буй шатахууны нийлүүлэлттэй холбоотой ямар нэг саатал гараагүй.
Монголбанкнаас өгсөн мэдээллээр 180-аад сая ам.долларын шатахууны төлбөр ОХУ руу ямар ч саадгүй хийгдсэн байна. ОХУ-д байгаа жижгэвтэр банкаар манай нэр бүхий банкуудаас төлбөр тооцоо саадгүй явж байгаа. Цаашдаа үүнийг хадгалахыг тал талаас хичээж ажиллах болно.
Ойрын хугацаанд Төв банкин дахь валютын нөөцөө хамгаалах экспортоо дэмжих шаардлагатай байгаа. Бид шатахууныг хэрэглээг дотоодод хязгаарлах боломжгүй. Тиймээс тэр хэмжээний доллар манайхаас гарах нь байна. Засгийн газрын өнөөдрийн хуралдаанаар 4-р сарын 1-нээс Эрдэнэс Тавантолгой компанийн олборлолтыг нэмэгдүүлэх шийдвэр гаргалаа. Өөрөөр хэлбэл уртын тээврээ эхлүүлэхээр боллоо. Уртын тээвэр эхэлснээр боомтын асуудал шийдэгдэнэ гэсэн үг биш. Ямар ч байсан АМНАТ-ын төлбөрийг эхлүүлнэ.
Дахиад Цагаан хаданд их хэмжээний нүүрс овооруулахгүйн тулд экспортоо нэмэгдүүлэх зайлшгүй шаардлага гарч байна. Зэс, алт зэрэг манай экспортолдог түүхий эдийн бүтээгдэхүүний үнэ өндөр байна. Харамсалтай нь өссөн хэмжээгээр экспортолж чадахгүй байгаа нь боломжийг алдаж байна.
Ханшийн хувьд төв банкны гадаад валютын нөөцөө нэмэгдүүлэх, экспортоо дэмжих бодлогыг Засгийн газар дэмжинэ. Өөрөөр хэлбэл ам.долларын хувьд нэмэлт хөөсөрсөн эрэлтийг гаргахгүй байх тал дээр Монголбанкаас гаргаж буй арга хэмжээг дэмжиж байгаа.
Тансаг хэрэглээний импортыг хязгаарлах нь зөв гэж харж байна. Зөвхөн нэг машин дээр буюу “Ландкрузер- 300” маркийн авто машинд 500 гаруй сая ам.доллар төлж байгаа юм байна. Тэгэхээр ийм хүнд үед бид стратегийн гол импортын бүтээгдэхүүн дээр онцгой анхаарах хэрэгтэй
