АН-ын Ерөнхий нарийн бичгийн дарга Ч.Өнөрбаяр, нийслэлийн АН-ын дарга Д.Энхтуяа нар мэдээлэл хийлээ.
АН-ын Ерөнхийн нарийн бичгийн дарга Ч.Өнөрбаяр: Х.Баттулга Ерөнхийлөгчөөр сонгогдсоныхоо маргааш нь Монголын ардчилалд заналхийлж эхэлсэн. Тэр Монгол Улсыг ШХАБ-т элсүүлэх тухай ярьж эхэлсэн. Манай хоёр хөрш голлон оролцсон цэргийн эвсэл шүү дээ. Өнөөдөр дэлхий дахинд юу болж байна вэ. Монгол 1992 оны ардчилсан Үндсэн хуулиар аль нэг дайтагч талд ордоггүй, энхийг эрхэмлэсэн гадаад бодлого баримталдаг. Гэтэл энэ бодлогын эсрэг уриалга гаргаж, шахаж шаардсан.
Мөн Ерөнхийлөгчийн засаглалыг ил болон далд хэлбэрээр сурталчилж эхэлсэн. Тэр битгий хэл ардчилсан тогтолцоо хэрэгтэй эсэхийг хэлж ярьж явсан. Ийм хүн Ардчилсан намын даргын гишүүн битгий хэл даргын сунгаанд өрсөлдөх эрхгүй. МАН-ын зөвлөх яагаад АН-ын даргад өрсөлдөнө гэж вэ. Энэ асуултад Ерөнхий сайд хариулт өгөх ёстой. Ардчилсан намыг самрах гэж өөрийнхөө зөвлөхийг нэр дэвшүүлж байна уу. МАН-ын шударга ёс ярьдаг гишүүд намынхаа даргаас асуухыг шаардаж байна. Бид энэ бүхнийг өөгшүүлэхгүй. Ардчилсан намын хууль ёсны тамга хаана байна вэ гэдгийг шүүхийн шийдвэр тогтоосон. Хэн нэгэн дур зоргоороо тайлбарлах эрхгүй.
Нийслэлийн АН-ын дэд дарга Д.Энхтуяа: Ерөнхийлөгчөөр ажиллаж байсан иргэн Х.Баттулга нь шүүхийн шийдвэрээр хүчингүй болсон тамгыг ашиглан 2021 оны зургаадугаар сарын 1-ний өдөр АН-ын гишүүнчлэлээ үндэслэлгүйгээр дүрмийн бусаар сэргээсэн.
Эрх баригч МАН-ын даргын орон тооны бус зөвлөхөөр ажиллаж байгаа нь олон нийтэд ил болсон байхад АН-ын даргын сунгаа гэх хууль бус үйл ажиллагаанд оролцож байгаа нь намын эв нэгдэл үйл ажиллагаанд сөрөг нөлөө үзүүлэх, хагалан бутаргах хүчгүй байлгах гэсэн эрх баригч намын зохион байгуулалттай ажиллагаа гэж хардаж байна.
v
