“Монголын худалдаачдын холбоо” ТББ-аас 2022.03.08-нд “Бидэнд баярлах шалтгаан байхгүй-3” сэдэвт ээжүүд, эмэгтэйчүүдийн эсэргүүцлийн нүцгэн жагсаалыг Д.Сүхбаатарын талбайд зохион байгуулахаа мэдэгдлээ.
Худалдаа наймаа эрхлэгчдийн 70-аас дээш хувь нь эмэгтэйчүүд байдагийн дотор өрх толгойлсон, олон хүүхэдтэй эмэгтэйчүүд маш их байдаг. Өндөр хүүтэй зээл, өндөр төлбөртэй ажлын байрны түрээс, эрх зүйн эрүүл бус тогтолцооноос үүдсэн торгууль, авлига зэрэг нь худалдаа үйлчилгээ, үйлдвэрлэл эрхэлж буй бүх айл өрхүүдийг дарамтанд оруулж байгаа учраас энэ асуудлыг шийдэхийн төлөө тэмцэхээ ийнхүү мэдэгдлээ.
Түүнчлэн худалдаачдын нийгмийн асуудал, эдийн засгийн байдал доройтож байгаа талаар Төрийн гурван өндөрлөг болон УИХ-ын гишүүдэд удаа дараа шаардлага хүргүүлсэн ч авч өнөөдрийг хүртэл авч хэлэлцэхгүй байгаа тул ийнхүү нүцгэн жагсаал хийхээр болсон аж. Жагсаал ирэх гуравдугаар сарын 8-нд болох гэнэ.
