Хүн төрөлхтний мөнхийн сэдэв гэгддэг хайрын тухай олон уран бүтээл тайз, дэлгэцнээ амилсан байдаг. Тэрхүү бүтээлүүдийг Гэгээн хайрын баяраар хайрттайгаа хамтдаа үзвэл үнэхээр сэтгэл хөдлөм. Хэдхэн хоногийн дараа гэгээн хайрын баярын өдөр тохионо. Энэ баяраараа хайрттайгаа хамтдаа романтик хайрын тухай хөгжилтэй киног үзэх нь мартагдашгүй мөчөө мөнхлөх сайхан боломж нээгджээ.
“ID Film ” студийнхэн дэлгэцийн ээлжит уран бүтээлээ “For you” нэртэй романтик киног бүтээжээ. Залуу уран бүтээлч Г.Жанчивийн найруулсан эл киноны гол дүрийг О.Самданпүрэв , Ц.Номин нар бүтээсэн бол туслах дүрүүдэд Тагтаа буюу Р.Сүхболд, А.Бямбабаяр, Р.Отгонбаяр, Ц.Ганзориг нар нар тогложээ.
Энэхүү уран бүтээл нь залуучуудын хайр дурлалын сэдэвтэй, романтик, комеди жанрын кино аж. Тус уран бүтээл энэ сарын 09-нөөс эхэлж бүх кинотеатруудаар гарч эхэлнэ.
