1. Нар жаргахаас өмнө идээгээ засна.21:40-23:40 цагийн хооронд хүндэтгэлийн ширээндээ идээгээ залсаныг ариулдаг. Үүний дараа тухайн айлын гэрийн эзэгтэй шинийн 1-ний өглөө өмсөх хувцас зэргийг бэлтгэж тавьдаг уламжлалтай.
2. Унтахын өмнө гэрийн эзэгтэй долоон бурхан одонд залбирч, сүү өргөх ёстой.
3. Айл битүүний орой гэрийн тотгон дээрээ мөс, цас тавьдаг Битүүлэгний дараа Лхам бурхан айлд морилж ирдэг гэж ярьдаг. Тиймээс Лхам бурхны хүлэгт зориулж өвс, гурван мөс, цас тотгон дээрээ тавьдаг.
4. Битүүнд уурлах, архи уух, хашгирах, нохой, мал амьтныг зодож үргээх, угаасан хувцас гадаа хонуулах болон сэвлэгийг нь үргээгээгүй хүүхдийг нэрээр нь дуудахыг цээрлэдэг..
5. Битүүний шөнө уур дуугаргаж утаа гаргасан тоонот өргөөтэй, тотгот босготой ямар ч хүн заавал гэртээ хонодог.
6. Битүүний 23.45-т хулгана цаг гардаг. Өөрөөр хэлбэл, ам цагаан хулганыг морилон орж ирэх үед гэртээ идээ будаа элбэг дэлбэг байвал дараагийн 365 хоногт өлсч, цангаж гуриатдаггүй юм.
7. Орон сууцны айлууд хөшгөө хаах хэрэгтэй.
8. Цагаан сараар хүмүүс хүссэн хүсээгүй заавал үндэсний хувцас дээл, малгайгаа өмсөх ёстой. Ингэхдээ хамгийн гол нь хиргүй, бүтэн байх нь чухал.
9. Хүнд заавал хоёр зүйлийг өгөх ёстой. Хүнд нэг юм өгдөггүй.
10. Цагаан сарын аливаа идээ ундааг хоёр удаа хүртэх ёстой.
11. Эгэл жирийн ард 3-5 үеэр тавгийн идээгээ засдаг
12. Уур дуугаргаж, утаа гаргаж байгаа айл бүхэн цагаан сарын шинийн 1-ний өглөө яг туулай цаг буюу 05.40-07.40-д босдог.
13. Ямар ч хүүхдийг туулай цагт босговол бүтэн жилдээ босоо хийморьтой, нүүрийн буянтай явдаг.
14. Харин сэвлэг үргээгээгүй хүүхэд унтаж байж болно.
15. Шинийн 1-ний өглөө өрхийн тэргүүн болон бүстэй хүүхэд зүгээ гаргадаг уламжлалтай юм.
16. Ерөнхийдөө луу буюу 7.40-9.40 цагт золгодог.
17. Золгож буй айлд заавал буцалгасан аяга сүү байх ёстой. Үүнийгээ нар тойруулж хүртэнэ
18. Шинийн 1-нд золгохдоо хэнийг ч ялгахгүйгээр бүх хүнийг хоёр хацар дээр нь заавал үнсдэг. Харин энэ өдрөөс хойш өөрийн хүүхэд болон ойрын садан төрлөө л үнсдэг.
19. Дэлхийг хүн төрүүлээгүй, хүнийг дэлхий төрүүлсэн учир дэлхий дээр байгаа хорхой бүхэн бидний хаан байдаг. Тиймээс энэ бүхэнд Цагаан сарын хишиг хүртээх ёстой.
20. Цагаан сарын хоол цайны хамгийн чухал нь цагаалга. Цагаалгаа нутаг нутгийн уламжлалт идээ цагаагаар бэлдэнэ.
