Эрүүл мэндийн даатгалын шимтгэлийн дутуу төлсөн саруудаа E-Mongolia апплейкэшнаар шалгах боломжтой болжээ. Монгол Улсын иргэн эрүүл мэндийн улмаас учирч болзошгүй санхүүгийн эрсдэлээ хуваалцах зорилгоор эрүүл мэндийн албан журмын даатгалд заавал даатгуулах шаардлагатай байдаг.
Даатгуулагч эрүүл мэндийн үйлчилгээний хөнгөлөлт эдлэхийн тулд эрүүл мэндийн даатгалын шимтгэлээ бүрэн төлсөн байх шаардлагатай. Иймд иргэд эрүүл мэндийн даатгалын шимтгэлийн дутуу төлсөн саруудаа Е-Mongolia апплейкэшний эрүүл мэнд цэсээс үнэ төлбөргүй шалгаж, төлөх боломжтой болсон талаар Эрүүл мэндийн даатгалын ерөнхий газраас мэдээллээ.
