Маргааш буюу 10 дугаар сарын 22-ны өдөр “Манайд нэг удаа” гэсэн хөгжилтэй, инээдмийн уран сайхны кино бүх кино театруудаар нээлтээ хийх гэж байна.
Тус киноны зохиолчоор “Тагнуулч аав”, “Ядуугийн зовлон”, “Боолын гэрээ” зэрэг кино бүтээлээрээ олонд танигдсан хошин урлагийн жүжигчин Д.Хүрэлхүү бичиж, гол дүрүүдэд Д.Энхбаяр , З.Онон , Г.Жанчив , Б.Үжин гэх авьяаслаг жүжигчид тоглосон юм.
Тус киноны гол агуулга нь дэлхий даяар ковид19-ийн:хүнд нөхцөл байдлаас болж банкны дарамтанд орсон нэгэн сонирхолтой нэгэн гэр бүлийн хөгжилтэй түүхийг өгүүлдэг.
Киноны дэлгэрэнгүй мэдээлэл: Хангалых хүү охин хоёртой жирийн нэгэн айл байлаа. Дэлхий даяар ковид 19 вирус дэгдэж тэдний гэр бүлийн бизнес зогсосны улмаас банкны дарамтанд орж улмаар гэр хороолол руу нүүнэ. Санхүүгийн мухардлаас гарахын тулд цөмийн физикч мэргэжилтэй айлын том хүү өөрсдөө эрсдэлд орохгүйгээр даатгалаас мөнгө гаргуулах санаа бодож олно.
Гэвч энэ санаа нь хэр амжилттай болохыг “Манайд 1 удаа” инээдмийн уран сайхны киноноос та бүхэн хүлээн авна уу.
