Эрүүл мэндийн даатгал нь 2016 онд батлагдсан хуулиар албан журмын даатгал болон өөрчлөгдөж иргэн-даатгуулагч шимтгэлээ тухайн оноос тасралтгүй төлөхөөр хуульчлагдсан. Энэ хүрээнд даатгуулагч танд Эрүүл мэндийн даатгалын шимтгэлийг нөхөн төлөх төлбөрийн хэмжээг танилцуулж байна.
Иргэн бүр жил болгон шимтгэлээ төлөх үүрэгтэй бөгөөд тусламж үйлчилгээ авсан болон аваагүйгээс үл хамааран нөхөн төлөх журамтай. Та ebarimt аппликэйшнээр 2020, 2021 оны шимтгэлийн төлөлт хийж болно. 20-30 минутын дараа баталгаажилт нь хийгддэг байна.
Харин 2016, 2017, 2018, 2019 онуудын Мобайл, онлайнаар, интернэт банкаар, АТМ-ээр, Банкинд биеэр очиж ЭМД-ын шимтгэлийн төлөлтийг хийж болно. Баталгаажилт ажлын 4-5 хоногийн дараа хийгддэг. Эсвэл та өөрийн харьяа дүүргийн нийгмийн даатгалын хэлтэст юмуу нэг цэгийн үйлчилгээнд очиж төлвөл 48 цагийн дараа баталгаажилт хийгддэг байна.
