Сонгинохайрхан дүүргийн Нэгдсэн эмнэлэг ходоодны дурангийн оношилгоог амаар, шаардлагатай бол мэдээ алдуулалт ашиглан хийдэг бол, өдгөө уян дурангийн оношилгоог хамраар хийж эхлээд байна.
Анагаах ухааны салбарт гарсан бас нэгэн дэвшлийг ийнхүү нутагшуулж чадсан тус эмнэлэг нь дуран оношилгоондоо Японы “Olympus” брэндийн хамгийн сүүлийн үеийн “EVIS EXERA III” загварын CV-190 сери дугаартай дурангийн аппарат ашиглаж байна.
Уг дурангийн оношилгоог өндөр настан, хөгжлийн бэрхшээлтэй иргэд болон хүүхдэд үнэ төлбөргүй хийх бөгөөд ажил хөдөлмөр эрхэлж байгаа иргэд 18.000 төгрөгийн төлбөр төлөөд харъяалал харгалзахгүй үйлчлүүлэх боломжтой болжээ.
