Коронавирусийн өдөрт бүртгэгдэх тохиолдлын тоо нэмэгдэж байгаатай холбоотой ирэх аравдугаар сарын 1-нээс хату хөл хорио тогтооно гэх мэдээлэл иргэдийн дунд тархаад байгаа юм.
Мөн Эрүүл мэндийн яамнаас дельта вирусийн тархалт нэмэгдэж байгаатай холбоотой вакцины тунд хамрагдаагүй иргэдийг аль болох гэрээсээ гарахгүй байх сэрэмжлүүлэг бий. Мөн ирэх есдүгээр сараас цар тахлын 3 дахь давалгаа явагдана гэх мэдээлэл ч цацагдаад байгаа билээ.
Үүнтэй холбоотой Засгийн газраас “Ирэх аравдугаар сарын 1-нээс хатуу хөл хорио тогтоох шийдвэр гараагүй. Энэ бол ташаа мэдээлэл. Маргааш Засгийн газраар тийм асуудал хэлэлцэхгүй. УОК ч хуралдаагүй. Иргэд худал мэдээлэлд итгэж, төөрөгдөхгүй байхыг хүсч байна” гэлээ.
Мөн Эрүүл мэндийн яам хөл хорио тогтоох санал гаргаагүй гэдгийг мэдэгдсэн юм.
