Монгол Улсын иргэдийн дархлаажуулсан 4 төрлийн вакцины дээр хийсэн судалгааны дүнгийн талаар Эрүүл мэндийн яамны судалгаа, төлөвлөлтийн хэлтсийн дарга Б.Бумдэлгэр танилцууллаа.
Тэрбээр “Оксфортын их сургуулийн эрдэмтэд АстраЗенека вакцины 1 болон 2 дугаар тунд хамрагдсан иргэдэд 3 дахь тунг хийсний дараа дархлааны түвшин ихсэж, буурч байгаа эсэхэд судалгаа хийсэн. Судалгааны үр дүнд АстраЗенека вакцины 2 дахь тунг хийлгэснээс хойш тодорхой хугацааны дараа эсрэг биет буурдаг. 3 дахь тунг хийлгэснээс тодорхой хугацааны дараа өмнөх түвшингээс эсрэг биет 2-3 дахин нэмэгдсэн үзүүлэлт гарсан.
Мөн дээрх вакцины 2 болон 3 дахь тунгийн дараах эсрэг биеийн хариу урвал нь вирусийг саармагжуулах байдал нь өндөр гэсэн судалгаа гарсан байна. Тиймээс хариу арга хэмжээний багийнханд АстраЗенека вакцины 3 дахь тунг хийх үндэслэл болж байгаа.
Монгол Улсын хэмжээнд вакцины 3 дахь тунгийн судалгааг хийгээд эхэлсэн байгаа” гэлээ.
