Өнөөдөр Монголын морин спорт уяачдын холбооноос баяр наадмыг цуцлахыг эсэргүүцэж, Төв талбайд морьтой жагсаал хийж байна.
Энэ үеэр Сүхбаатар дүүргийн цагдаагийн I хэлтсээс Гамшгийн үеийн болон хорио цээрийн дэглэм сахиулах, холбогдох хууль журмыг зөрчихгүй байхыг сануулж, зөвшөөрөлгүй жагсаал цуглааныг даруй зогсоох шаардлага хүргүүлжээ.
Гэвч Морин спорт уяачдын холбооноос морьтнуудын жагсаалыг зохион байгуулаагүй учир эндээс ямар нэг сөрөг үр дагавар гарвал хариуцлага хүлээхгүй гээд, Цагдаагийн байгууллагын шаардлагыг хүлээн авсангүй.
