Энэ жил бол Хятадын коммунист нам байгуулагдсаны 100 жилийн ой тохиож байна. Зуун жилийн турш, Хятадын коммунист нам Хятадын ард түмэнд аз жаргал, Хятадын үндэстнүүдийн сэргэн мандалын төлөө, дэлхий дахины эв нэгдлийн төлөөх анхны санаа болон үүрэг хариуцлагыг практикт хэрэгжүүлсэн билээ.
Хятадын коммунист нам Хятадын ард түмнийг удирдан хувьсгал, бүтээн байгуулалт болон өөрчлөлт шинэчлэлтийн практикийг хэрэгжүүлж, Хятад үндэстнүүд өөрийн хөл дээрээ зогссонсноос, баяжин, хүчирхэгжиж хөгжлийн үсрэлтэд хүрч, социализмын орчин үеийн улс орныг бүх талаар бүтээн байгуулах шинэ аяныг эхлүүлсэн байна.
Олон жилийн турш, Монгол, Хятад хоёр улсын найрсаг хамтын ажиллагаа, хоёр улсын дээд хэмжээний харилцан айлчлал олон давтамжтай болж, хүмүүнлэгийн солилцоо улам нягт болж, бүх салбар дахь хамтын ажиллагаа үргэлжлэн нэмэгдэж, асар их амжилтад хүрч, иж бүрэн стратегийн түншлэлийн харилцаа хөгжиж, дэлхийн найрамдалт сайн хөршүүдийн үлгэр жишээ болж байгаа билээ.
Хятадын коммунист нам байгуулагдсаны 100 жилийн ойг тохиолдуулан, Монгол улсын ард түмэнд Хятад орон болон ХКН-ын тухай ойлголцлыг цаашид нэмэгдүүлэх, хоёр орны ард түмэн хоорондын харилцан ойлголцол болон найрамдлыг дээшлүүлж, Хятад Монголын иж бүрэн стратегийн түншлэлийн харилцаа, хөгжлийг нэмэгдүүлэх зорилгоор, Хятадын Төрийн зөвлөлийн Хэвлэл мэдээллийн алба, Монгол улсын Соёлын яам, БНХАУ-аас Монгол улсад суугаа Элчин сайдын яам, БНХАУ-ын ӨМӨЗО-ны Ардын засгийн газар, Монголын Сэтгүүлчдийн Нэгдсэн Эвлэл хамтран зохион байгуулж байна.
“Яруу алдрын 100 жил” Хятадын коммунист нам байгуулагдсаны 100 жилийн ойн Монгол, Хятадын соёлын солилцооны арга хэмжээний нээлтийг өнөөдөр буюу 2021 оны 6-р сарын 30-ны өдөр зохион байгууллаа.
Тус арга хэмжээнд Монголын сэтгүүлдчдийн нэгдсэн эвлэлийн ерөнхийлөгчийн үүрэг гүйцэтгэгч З.Боргилмаа оролцож үг хэллээ.
З.Боргилмаа: Соёлын солилцооны арга хэмжээний хүрээнд Хятад орон, өнөөгийн амьдрал, хүмүүсийн аж амьдрал, соёлын талаар мэдээллийг урлагаар дамжуулан хүлээн авна
Тэрбээр, Монгол Хятад 2 улсын харилцаа хамтын ажиллагаа өнөөдөр хамгийн өндөр түвшинд буюу стратегийн иж бүрэн түншлэлийн хүрээнд цэцэглэн хөгжиж байна. Шат ахисаар ирсэн энэхүү хамтын ажиллагаа нь 2 орны хамтын ажиллагааны харилцан ойлголцол, хүндэтгэл, нөхөрлөл дээр суурилан бий болсон билээ. Харилцан бие биенээ хүндэтгэж, түүх, соёл, урлаг, уламжлал, сэтгэлгээний онцлог, оюуны өв сангаа харилцан судлан мэдэж, таниж ойлгох нь ямагт чухал хүчин зүйл байсаар ирсэн.
Өнөөдөр нээлтээ хийж байгаа соёлын солилцооны хүрээнд уншигч, үзэгчид маань соёлын солилцооны арга хэмжээний хүрээнд Хятад орон, өнөөгийн амьдрал, хүмүүсийн аж амьдрал, соёлын талаар мэдээллийг урлагаар дамжуулан хүлээн авна гэдэгт итгэлтэй байна. Түүнчлэн сүүлийн 30 жилд Монгол Улсын эдийн засаг, худалдаа аж үйлдвэрийн хамгийн ойрын түнш, иргэд хамгийн ихээр зорчих болсон орон бол Хятад улс билээ. Бид өнөөдрийг хүртэл харилцан солилцож ирсэн худалдаа, бараа, хэрэглээгээрээ дамжуулан 2 улс үндэстнийхээ талаар байнга мэдээлэл соёлоо солилцож ирсэн. Тийм учраас бид хөрш орнуудын хувиар нэг нэгнийхээ ололт амжилт, хөгжил цэцэглэлийн талаар болон өнгөрсөн одоо ирээдүйн талаар маш сайн ойлголт төсөөллийг бий болгож чадсан.
Цаашид мэдээлэл, соёлын солилцоогоороо дамжуулан бий болгосон ойлголцолоо бэхжүүлж, итгэлцэлээ нэмэгдүүлж, хэдийгээр хэл, соёл өөр ч энэхүү ялгаатай талаа хүндэтгэн хүлээн зөвшөөрч байсан хэдэн мянган жилийн уламжлалаа хадгалан 2 улс бүхий л шатанд харилцаа хамтын ажиллагаагаа улам бүр хөгжүүлэн гэдэгт итгэлтэй байна. Үүнд хэвлэл мэдээллийн салбар, сэтгүүлчид өөрсдийн зүгээс хувь нэмрээ оруулан ажиллана гэдэгт эргэлзэхгүй байна.
С.Батхуяг: 2021 онд манай 2 улсын хувьд түүхэн он жилүүд тохиож байна
Монгол Улсаас Хөх хотод суугаа ерөнхий консул С.Батхуяг: 2021 онд манай 2 улсын хувьд түүхэн он жилүүд тохиож байна. Монгол Улсад ардын хувьсгал ялсны 100 жил, Хятадын комунист нам байгуулагдсаны 100 жил тохиож байна.
20 дугаар зуунд Монгол Улс хүн ардаа соён гэгээрүүлж, орчин үеийн улс үндэстэн болж чадсан. Харин Ковид-19 цар тахлыг хяналтандаа оруулсан, ядуурлыг арилгасан зэрэг олон салбарт үр дүнтэй ажилласан БНХАУ-ын коммунист нам өнгөрсөн 100 жилийн хугацаанд 91 сая гишүүнтэй дэлхийн хамгийн том нам болжээ. Монгол, Хятад 2 улсын найрамдал улам гүнзгийрч байна.
Цар тахал гарснаас хойш, Хятад Монгол хоёр улсын засгийн газар болон ард түмэн цар тахалтай хүч хамтран тэмцэж, нааштай үр дүнд хүрч, хоёр улсын уламжлалт найрамдал улам гүнзгийрч байгааг тодотгож байлаа.
Монгол, Хятадын соёлын солилцоогоор уран сайхны концерт, үзэсгэлэн, уран сайхны кино, ном, бүтээлийн солилцоо зэрэг 5 арга хэмжээг цахимаар дамжуулан 7-р сарын 1-ний өдрөөс 9 сар хүртэл мэдээллийн сайтуудаар хүргэнэ. Энэхүү арга хэмжээг цахимаар Хятадын Төвийн радио телевизийн CRI сайт /www.cri.cn/, Солонго мэдээллийн сайт www.solongonews.mn, Улаанбаатар дахь Хятадын соёлын төвийн албан ёсны сайт ccchinaweb-ub.org зэрэг сайтуудад тусгай булан нээж, арга хэмжээг бүх талаар дамжуулж мэдээлнэ.
Мөн Монголын мэдээллийн 5 сайттай хамтран ажиллаж, арга хэмжээний тодорхой агуулгыг шууд дамжуулан сурталчилж, мөн 5 сайтын facebook хуудас зэрэг сошиол мэдээллийн хэрэгслээр дамжуулан сурталчилна. Баримтат кино, олон ангит уран сайхны киног Монголын телевизийн сувгуудаар үзэгчдэд хүргэх болно.
