Коронавирусний халдвараас урьдчилсан сэргийлэх дархлаажуулалтад хамрагдан вакцины эхний тунгаа хийлгэсэн хүүхдүүдэд 50 мянган төгрөгийн урамшуулал олгохоор болжээ.
Энэ талаар Сангийн яамнаас дархлаажуулалтад хамрагдсан иргэн бүрд 50 мянган төгрөгийн урамшуулал олгоно гэж заасны дагуу хүүхдүүдэд мөн урамшуулал олгоно гэв. Ингэхдээ заавал бүрэн тунд хамрагдахыг хүлээлгүй эхний тунгаа тариулсны дараа хүүхдийн мөнгө олгодог данс руу нь шилжүүлэх юм байна.
Засгийн газрын тогтоолд “Дархлаажуулалтад хамрагдсан иргэн бүрд 50 мянган төгрөгийн урамшуулал олгоно” гэж заасан байдаг.
Улсын хэмжээнд 16, 17 насны 80 мянга орчим хүүхэд байдаг байна. Өнөөдрийн байдлаар 3264 хүүхдийг дархлаажуулалтад хамрагдсан байна.
