Монгол Улсын Ерөнхий сайд Л.Оюун-Эрдэнэ Баянзүрх дүүрэгт саналаа өглөө. Тэрбээр, Монгол Улсын иргэний хувьд эрхээ эдэлж, үүргээ биелүүлж саналаа өглөө. Энэ удаагийн сонгууль хоёр зүйлээр онцлог болж байна. Цар тахлын хувьд амаргүй үед Ерөнхийлөгчийн сонгууль болж байна.
Өмнөх сонгуулиудтай харьцуулахад зардал багатай, тайван сонгууль болж байна гэж бодож байна. Иргэдийн идэвх өндөр байгаад баярлаж байна. Иргэд сонгуульдаа хариуцлагатай хандаж байна. Монгол Улс 1992 оноос хойш ардчилсан тогтолцоонд шилжсэнээс хойш анх удаа Ерөнхийлөгчөө зургаан жилээр сонгох гэж байна.
Ерөнхийлөгчийн сонгуулийн үр дүнгээс хамааран улс төрд олон үйл явдал өрнөдөг байв. Парламент дөрвөн жилээр ажиллаж, Ерөнхийлөгчөөс өөр хугацаатай ажиллах болсон нь улс төрд өөрчлөлт авчирна.
Өнгөрсөн 30 жил Засгийн газар 1.5 жил ажилладаг байлаа. Бүрэн эрхээ хэрэгжүүлж дуусгасан гуравхан Засгийн газар бий. Ерөнхий сайд асан П.Жасрай гуай, Н.Энхбаяр, У.Хүрэлсүх нар өнгөрсөн 30 жилийн хугацаанд дөрвөн жилийн бүрэн эрхээ эдэлж дуусгасан. Тиймээс урт хугацааны томоохон хөтөлбөрүүд, хэрэгжүүлсэн ажлаа дуусгахын тулд Засгийн газар бүрэн эрхийнхээ хугацаанд бүтэн ажилладаг байх соёл руу орох нь зүйтэй гэж боддог. Монгол Улсын хувьд маш олон ажил эхлүүлсэн ч дуусгасан нь цөөхөн.
Тиймээс иргэддээ хариуцлагатай, ул суурьтай сонголт хийх байх гэдэгт итгэж байна. Сонгох нь эрхийн асуудал боловч цагаан санал өгөх нь сайн арга биш. Тиймээс иргэд хэн нэгэн нэр дэвшигчийг дэмжих нь зүйтэй. Нөгөөтэйгүүр ирц өндөр байх ёстой. Яагаад гэвэл сонгууль өөрөө их зардалтай.
