Өнгөрсөн сард 10 мянга гаруй хүн B,C вирусийн илрүүлэг шинжилгээнд хамрагдаж, элэгний өвчлөлөөс урьдчилан сэргийллээ гэж ЭМДЕГ-аас мэдээллээ.
“Элэг бүтэн Монгол” үндэсний хөтөлбөрт улсын хэмжээнд 1.175.931 хүн хамрагдсанаас
- хепатит В, С вирусийн илрүүлэг шинжилгээг 1,168,592,
- баталгаажуулах шинжилгээг 7339,
- идэвхжил тодорхойлох шинжилгээг 119,028 хүн хийлгээд байна.
Харин өнгөрсөн сард 10834 хүн хамрагдсанаас 5871 хүн хепатет В,С вирусийн илрүүлэг, 144 хүн баталгаажуулах, 1079 хүн идэвхжил тодорхойлох шинжилгээнд хамрагдсан байна.
Түүнчлэн элэгний В, C вирусийн эсрэг 16 төрлийн эмийг ЭМД-ын сангаас 30-70 хувь хүртэл хөнгөлж иргэд, даатгуулагчдыг эрүүл мэндээс үүдэлтэй санхүүгийн эрсдэлээс хамгаалан ажиллаж байна.
Монгол Улсын Засгийн газраас 2017 оноос хүн амаа хепатитийн вирусийн халдвараас урьдчилан сэргийлэх, эрт илрүүлэн эмчлэх, элэгний хатуурал болон элэгний хорт хавдрын шалтгаант нас баралтыг бууруулах зорилгоор “Элэг Бүтэн Монгол” үндэсний хөтөлбөрийг 5 дахь жилдээ хэрэгжүүлж байна.
“Элэг бүтэн Монгол” үндэсний хөтөлбөрийн хүрээнд элэгний B,C вирусийн илрүүлэг, баталгаажуулах, идэвхжил тодорхойлох шинжилгээнүүдийг ЭМД-ын сангаас 100 хувь бүрэн хариуцдаг.
ЭМД-аараа элэгний B,C вирусийн илрүүлэг шинжилгээнд хамрагдахыг хүсвэл ЭМДЕГ-тай гэрээт лабораториудад хандах боломжтой.
