Монгол Улсад коронавирусийн халдварын тохиолдлын тоо сүүлийн өдрүүдэд нэмэгдэх болсон байна. Хатуу хөл хорионы дараагаар өдөрт бүртгэгдэх тохиолдлын тоо буурсан ч эргээд нэмэгдэж эхэлжээ.
Долоо хоногийн хугацаанд гэхэд 5042 хүн халдвар авч өвчилжээ. Үүнд, даваа гарагт 630, мягмар гарагт 634, лхагва гарагт 680, пүрэв гарагт 653, баасан гарагт 785, бямба гарагт 769, ням гарагт 891 хүн өвчилсөн байна.
Өдөрт батлагдсан тохиолдлын ихэнх нь Улаанбаатар хотод бүртгэгджээ. Нийслэл хот тэр чигтээ халдварын голомт болсон тул иргэдийг халдвар хамгааллын дэглээ ягштал баримтлахыг өдөр бүр сануулж байгаа юм.
Орон нутагт өвчлөл харьцангуй цөөн бүртгэгдэж байсан ч сүүлийн үед нэмэгдэх хандлага ажиглагдаж байна. Орон нутгийн хэмжээнд өдөр бүр халдвар бүртгэгдэж байна. Өнгөрсөн 7 хоногт 365 тохиолдол бүртгэгджээ.
Нас баралт 24 бүртгэгджээ. Даваа гарагт 5, мягмар гарагт 2, лхагва гарагт 2, пүрэв гарагт 2, баасан гарагт 4, бямба гарагт 5, ням гарагт 4 хүн нас барсан байна.
