ЭМЯ-ны газрын дарга Л.Энхсайхан: Иргэд хүүхдэд хэзээ вакцин хийх вэ гэж их асууж байна. Пфайзер вакциныг хүүхдэд хийж болно гэсэн үйлдвэрлэгчийн дүгнэлт гарсан ч ДЭМБ батламжлаагүй байна. Хүүхдүүдээ хамгаалахын тулд эхлээд насанд хүрсэн иргэд өөрсдөө вакцины бүрэн тунгаа тариулах хэрэгтэй байна.
Вакциныг жирэмсэн хүнд тарихгүй. Харин БНХАУ-ын Вероселл вакцины хөхүүл эхчүүдэд хийж болно гэдгийг заавар дээр нь заасан. Спутник вакцины хувьд хөхүүл болон жирэмсэн хүнд хийх мэдээлэл байхгүй учраас эсрэг заалттай гэсэн үг. Энэ нь хос вектор агуулсан вакцин тул АстраЗенакатай үйлдэл нь төстэй.
Синофарм үйлдвэрийн вакцины тухайд мөн харшил өгсөн, уналт таталт өгдөг бол эсрэг заалттай буюу хийж болохгүй. Гэхдээ сүүлийн нэг жилд уналт таталт өгөөгүй бол тариулж болно.
