Сүүлийн 24 цагийн хугацаанд 1356 тохиолдол бүртгэгдэж, улсын хэмжээнд нийт батлагдсан тохиолдол 35779-д хүрлээ. Батлагдсан 1356 тохиолдлоос 28 нь гадны улсаас зөөвөрлөгдөн иржээ. 4 дүгээр сарын 23-нд Сөүл-Улаанбаатарын транзит онгоцоор БНЭУ-аас ирсэн 1 монгол иргэн, 4 дүгээр сарын 23-нд Казакстанаас ирсэн 8 монгол иргэн, 4 сарын 26-ны Энэтхэг-Улаанбаатарын онгоцоор ирсэн 19 энэтхэг иргэдээс тус тус халдвар илэрчээ. Халдвар илэрсэн энэтхэг иргэдийн 18 нь Дорноговь аймагт, нэг нь Улаанбаатарт тусгаарлагдаж байна.
Энэтхэг улсад өнөөдрийн байдлаар халдварын тоо эрс нэмэгдэж, нас барагсдын тоо цаг минутаар нэмэгдэж байгаа билээ. Сүүлийн 24 цагт Энэтхэг улсад 386 мянган халдвар шинээр бүртгэгдэж, 3501 хүн нас баржээ. Мөн зарим улс орнууд тус улсаас нислэг хүлээж авахгүй гэсэн шийдвэр гаргаад байгаа аж.
