Улсын Дээд шүүхээс М.Тулгат, О.Цогтгэрэл нарын өргөдлийг шийдвэрлээс татгалзсан хариулт өгсөн билээ. Ингэснээр АН-ын даргын албан ёсны дарга хэн бэ асуулт хариултгүй үлдсэн юм. Тэгвэл Улсын Дээд шүүх асуудлыг татгалзсан тул тус намын дарга С.Эрдэнэ хэвээр хэмээн мэдэгдлээ. Улмаар С.Эрдэнийн гэх тодотголтой АН Ерөнхийлөгчийн сонгуультай холбоотой асуудлаар мэдээлэл хийлээ.
АН-ын Дотоод сонгуулийн хорооны дарга Х.Алтанхуяг “АН-аас цар тахлын хуулийг баримталж, намын даргын сонгуулиа амжилтай зохион байгуулсан. Одоо ерөнхийлөгчийн сонгуульд нэр дэвшигчдээ бүртгэнэ. Ерөнхийлөгчид нэр дэвшигчдээ энэ сарын 30-ны өдөр 09:00-15:00 цагийн хооронд бүртгэнэ. Дараа нь хоёр удаа халз мэтгэлцээн зохион байгуулна. Улмаар нийт гишүүд дэмжигчдийн саналаар нэр дэвшигчдээ тодруулна. Одоогоор хоёр нэр дэвшигч нэрээ ирүүлээд байна.
АН-ын Нарийн бичгийн дарга Ц.Оюундарь “Нэр дэвшигчдийг 30-ны өдөртөө бүртгэж дуусаад 16:00 цагаас нь шууд халз мэтгэлцээндээ орно. Нэр дэвшигч тодорсны дараа ҮБХ, Их хурлаар батламжилна. Энэ хурлуудыг цахимаар зохион байгуулна гэлээ.
АН-ын асуудлыг Дээд шүүхэд бүртгэлжүүлж, албажуулаагүй тул Ерөнхийлөгчийн сонгуульд оролцох боломжтой эсэх талаар тус намын нарийн бичгийн дарга Ч.Өнөрбаяр “АН-ыг ерөнхийлөгчийн сонгуульд оролцох боломжгүй мэтээр ярьж байна. Энэ бол ташаа мэдээлэл. АН одоог бүртэл Улсын бүртгэл дээр бүртгэлтэй хүчин төгөлдөр нам. АН алга болчихоогүй. Ерөнхийлөгчийн сонгуульд УИХ-д суудалтай намууд нэр дэвшүүлэх эрхтэй. Тиймээс хуулийн хүрээнд сонгуульдаа оролцоно. АН-аас ерөнхийлөгчийн сонгуульд нэр дэвшихээр одоогоор Ц.Оюунгэрэл, Р.Амаржаргал нар нэрээ ирүүлээд байна* гэсэн юм.
