ХӨСҮТ-ийн дэд захирал Ж.Байгалмаа хатуу хөл хорио болон халдварын нөхцөл байдлын талаар мэдээлэл өглөө.
Тэрбээр “Хатуу хөл хориог нөхцөл байдал хүндэрсэн, эрүүл мэндийн нөөц хомсдсон үед хариу арга хэмжээ болгон авч байгаа байдал дэлхий дахинд харагдаж байна. Монгол Улсын хувьд дотоодын халдвар 2020.11.11-нд анх бүртгэгдсэн Улсын хэмжээнд 4 удаа хөл хорионы арга хэмжээг авч хэрэгжүүлсэн.
Эхнийх нь сарын хугацаатай байсан бол дараагийнх нь 21 хоног. Гурав дахь нь 10 хоног байсан бол сүүлийнх нь 15 хоногийн хатуу хөл хориог хэрэгжүүлж байна. Хөл хорионы дараагаар өвчлөл нэлээн сайн буурсан ч дахин нэмэгдсэн үзүүлэлтүүдийг харж болно. Шинжилгээг бол улсын хэмжээнд хангалттай хийж байгаа. Сүүлийн 7 хоногт 82.673 хүнд шинжилгээ хийсэн. Үүнээс эерэг илрэх хувь нь 9.27 хувь байна. Үүнийг Японтой харьцуулахад ижил ч, БНСУ-аас өндөр үзүүлэлт юм.
Хөл хорионы өмнөх үеүдэд иргэдийн хөдөлгөөн 5-100 хувь буурсан байна. Харин энэ удаагийн хатуу хөл хорионы үеэр хангалтгүй байна. Хүний дэлгүүр орох, салхилах иргэдийн хөдөлгөөн бүр ч буураагүй үзүүлэлт гарлаа.
Одоогийн хөл хориог шууд цуцалбал халдварын дэгдэлт огцом нэмэгдэнэ. Хэрэв хөл хориог дахин 7 хоногоор сунгавал өдөрт бүртгэгдэх тохиолдлын тоо 600 орчим болно.
Харин 14 хоногоор хатуу хөл хориог үргэлжлүүлж, ирэх сарын 9-нд цуцалбал өдөрт бүртгэгдэх тохиолдоын тоо 536 болно.
Хэрэв хатуу хөл хорио тогтоохгүй, вакцин хийхгүй бол өдөрт бүртгэгдэх тохиолдлын тоо 31.000 болно.
.jpg)
