Коронавирусийн халдварын тархалт өндөр байгаатай холбогдуулан эмнэлгүүдийн орны хүрэлцээ багасаж байгаа талаар ЭМЯ-наас мэдээлсэн. Үүнтэй холбогдуулан Буянт-Ухаа спорт цогцолборт 400 хүний хэвтэн эмчлүүлэх ор дэлгэж эхэлжээ.
Энэ шийдвэрийг өнгөрсөн гуравдугаар сарын 24-ний Засгийн газрын хуралдаанаас баталсан бөгөөд ДХИС-ийн оюутны байр, БХИС-ийн сонсогчдын байр, Бөхийн өргөө, Буянт-Ухаа спорт цогцолбор зэрэг газруудад ор дэлгэхээ мэдэгдэж байсан юм.
