Эмнэлгийн тусламжийн бодлого, хэрэгжилтийг зохицуулах газрын дарга Б.Буянтогтох сүүлийн үед коронавирусын халдвар нэмэгдэхийн хэрээр эмнэлгийн ачаалал нэмэгдэж байгааг хэллээ. Мөн хүнд, хүндэвтэр, нэн хүнд хүний тоо өмнөх сараас 28-30 дахин нэмэгдэж, эмнэлгийн ачааллыг 10-аас дээш хувиар нэмэгдүүлж байна гэв.
Тэрбээр, Эрүүл мэндийн яамны зүгээс НЭМГ, УОК-тай хамтран ор дэлгэх ажлыг үе шаттайгаар хийж байна. Гэсэн ч хүний нөөцийн хувьд төвөгтэй байдал үүсээд байна.
Улаанбаатарт 18 эмнэлгийн байгууллагын 3060 ор дэлгээд байна. Дүүрэг тус бүрд зохион байгуулалт хийж байна. Ковидтой эмнэлгүүдэд орж ажилласан эмч нар 14 хоног ажиллаад, тусгаарлагддаг. Халдвар хүн амын дунд тархсантай холбоотой энэ чиглэлийн тусламж үйлчилгээ үзүүлэх явцдаа хавьтал болж зайлшгүй тусгаарлагдах шаардлага үүсч байна. Энэ нь эргээд хүний нөөцийн хомсдлыг дахин үүсгээд байна.
Эрүүл мэндийн яамнаас дайчилгааны багийнхныг ашиглаад явж байна. Гэвч хангалтгүй байна.
