Коронавирусийн батлагдсан тохиолдлын тоо өдөрт 100 гаруйгаар нэмэгдэх болсноор эмнэлгүүд орны хомсдолд орохоор байгааг Эрүүл мэндийн яамнаас мэдэгдлээ.
Тиймээс эрүүл мэндийн сайдын тушаалаар тодорхой зохицуулалтуудыг хийж эхлээд байна. Корорнавиусийн халдвараар өвчилсөн нийт иргэдийн 84 хувь нь хөнгөн хэлбэрээр өвчилж байгаа. Тиймээс хөнгөн хэлбэрээр өвчилсөн иргэдийг эмнэлэгт эмчлэхээс илүүтэй гэрээр нь эмчлэх зохицуулалт хийхээр яригдаж байгаа аж.
Гэрийн нөхцөл, тухайн өвчилсөн хүний биеийн байдал зэргийг харгалзан үзэж гэрээр нь тусгаарлан эмчлэх гэнэ.
Мөн нийтийн байранд амьдардаг хүн гэрээр тусгаарлагдах санал гаргасан ч эрсдэлтэй учраас эмнэлэгт хэвтүүлэх гэнэ.
