ХӨСҮТ-ийн Тандалт судалгааны албаны дарга Ж.Байгалмаа: Сүүлийн 24 цагт 11,183 хүнд хийсэн коронавирусийн халдвар илрүүлэх шинжилгээний явцад 127 хүнээс халдвар илэрсэн. Ингэснээр нийт халдварын тоо 4,210 болж байна.
Дотоодод халдвар авсан хүний тоо 3678 боллоо. Улаанбаатарт 126 тохиолдол нэмж бүртгэгдлээ. Ингэснээр нийт өвчлөл 3329 боллоо.
Архангай аймагт Нийслэлээс очсон 1 иргэнээс халдвар илэрч, орон нутагт батлагдсан тохиолдлын тоо 349 боллоо.
Сүүлийн 24 цагт бүртгэгдсэн 127 тохиолдлын 123 нь ойрын хавьтал байна. Эдгээрээс 116 хүнд эхний шинжилгээгээр, 7 хүнд нь давтан шинжилгээгээр халдвар батлагджээ.
Халдварын эх уурхай нь тодорхойгүй 4 тохиолдол байна. Сүүлийн 24 цагт 52 хүн эдгэрч эмнэлгээс гарснаар нийт эдгэрсэн хүний тоо 3083 боллоо.
Одоогоор 1014 хүн эмчлүүлж байна. Биеийн байдлыг үнэлбэл, Маш хүнд 3, хүнд 5, хүндэвтэр 89, хөнгөн 917 байна.
