Монгол Улс коронавирусийн эсрэг вакцинжуулалтыг 2021.02.24-ны өдрөөс эхлэн хийсэн. Өнгөрсөн хугацаанд 20 гаруй мянган эрүүл мэндийн ажилтан, хариу арга хэмжээний ажилтнуудыг дархлаажуулалтад хамруулаад байна. Тэгвэл өнөөдрөөс дархлаажуулалтыг эрчимжүүлэхээр болж Нийслэлийн хэмжээнд 80 гаруй цэгээр өдөрт 15.000 орчим иргэнийг хамруулахаар болсон билээ.
Өнөөдрийн байдлаар Монгол Улсад одоогоор 150.000 тун АстраЗенека, БНХАУ-д үйлдвэрлэсэн 300.000 тонн, ОХУ-ын 10.000 тун вакцин бий. Нийтдээ 460.000 тун вакцин байгаа аж. Мөн Засгийн газар, Эрүүл мэндийн яам, гадаад харилцааны яам дараагийн вакциныг оруулж ирэхээр гэрээ хэлэлцэл хийж байгаа юм байна.
Иргэд вакцин хийлгэхэд дахин PCR шинжилгээ өгөх шаардлагагүй гэнэ. Өнөөдрөөс өдөрт 15.000 орчим хүнийг вакцинд хамруулна. 3, 4 дүгээр сардаа багтаан нийслэлийн 1 сая иргэнээ дархлаажуулах гэнэ.
