Төв аймгийн Зуунмод суманд коронавирусын халдвартай иргэн Улаанбаатар хотоос хулгайн замаар очоод иржээ. Нийслэлд ирээд шинжилгээ өгсөн нь 3-р сарын 1-ний өдөр эерэг гэсэн хариу гарчээ. Тиймээс коронавирусын халдвар авсан иргэний ойрын хавьтлын 62 иргэний PSR шинжилгээг ХӨСҮТ-рүү илгээсэн билээ.
Гэтэл ойрын хавьтлын 4 хүнээс коронавирусын халдвар илэрсэн байна. Тиймээс Төв аймгийн Зуунмод сумаас орох гарах бүх хөдөлгөөнийг хааж, тодорхойгүй хугацаагаар бүрэн зогсоолоо.
Энэ талаар, Төв аймгийн ЭМГ-ын дарга С.Мөнхтуяа: Хоёрдугаар сарын 26-нд Улаанбаатар хотоос нэг иргэн Зуунмод суманд буяны ажилд оролцоод буцсан. Улаанбаатар хотод буцаж очоод гуравдугаар сарын 1-ний өдөр шинжилгээ өгөхөд хариу эерэг гарч, халдвар авсан болох нь батлагдсан байна. Тухайн өдрийн 19:20 цагт манай аймагт дээрх мэдээллийг ХӨСҮТ-өөс өгсний дагуу шуурхай арга хэмжээ авч, хариу арга хэмжээний тандалт судалгааны ажлыг эхлүүлсэн.
Тухайн иргэний ойрын хавьтал болох 62 хүнийг шинжилгээнд хамруулж, ХӨСҮТ-д хүргэсэн. Шинжилгээний хариуй өнөөдөр 14:50 цагт ирсэн бөгөөд 58 хүний хариу сөрөг, дөрвөн иргэний хариу эерэг гарлаа. Бид ойрын хавьтлууд болон тэдэнтэй уулзсан хүмүүсийг тусгаарласан. Цаашдаа тандалт судалгааг өргөжүүлсэн байдалд хийхээр бэлэн болоод байна” гэлээ.
Төв Аймгийн Онцгой комиссын дэд дарга, аймгийн ОБГ-ын дарга, Хурандаа Н.Төмөрбаатар: Хөл хорио, хязгаарлалтыг тодорхойгүй хугацаагаар тогтоож буй бөгөөд аймгийн онцгой комисс шуурхай арга хэмжээг авч, шат дараатайгаар үйл ажиллагаануудыг нээнэ гэв.
Мөн Төв аймгийн Зуунмод сум дотроо 0 зогсолт хийхээр төлөвлөж байна. Хавьтал явсан зам маршрутыг тодруулахаар ажиллаж байна.
