ЭМЯ-аас коронавируст халдварын нөхцөл байдлын талаар мэдээлж байна.
ХӨСҮТ-ийн Албаны дарга Ж.Байгалмаа: Өчигдөр нийт 13206 хүнд шинжилгээ хийхэд Covid-19 халдвар 77 хүнээс халдвар илэрлээ. Халдвар бүгд нийслэлээс бүртгэгдсэн. 77 хүний 71 нь халдварын батлагдсан тохиолдлын ойрын хавьтал байна. Таван хүний халдвар авсан эх уурхайг тогтоохоор ажиллаж байна. Нэг шинэ голомт илэрсэн бөгөөд хавьтлуудыг илрүүлж тусгаарлаж авлаа. Халдварын эх уурхайг тодорхойлж байгаа таван хүний оршин суугаа байршлын хувьд СХД-ийн 33, 35, 36-р хороо, СБД-ийн 2-р хороо байна.
Монгол Улсад батлагдсан Covid-19 халдварын нийт тохиолдол 3153 боллоо. Энэ нь цар тахал анх гарснаас хойш нэг өдрийн дотор шинээр бүртгэгдсэн хамгийн өндөр үзүүлэлт болж байна.
Өнөөдрийн байдлаар ХӨСҮТ, Цэргийн төв эмнэлэг, Эх нярайн эмэгтэйчүүдийн 2-р төвд нийт 696 хүн эмчлэгдэж байгаагаас 626 хүний биеийн байдал хөнгөн, 62 хүн хүндэвтэр, таван хүн хүнд, гурван хүн нэн хүнд байдалтай байна.
Энэ жилдээ Март-8, Цэргийн баярыг хамт олноороо тэмдэглэхгүй байхыг зөвлөе. Халдвараас сэргийлэх хамгийн энгийн арга бол амны хаалт зүүх, хүн хоорондын зай барих гэдгийг өдөр бүр сануулж хэлж байгаа.
