Коронавируст халдварын нөхцөл байдлын талаар ХӨСҮТ-ийн албаны дарга Ж.Байгалмаа танилцууллаа.
Тэрбээр “Cүүлийн 24 цагт 19507 хүнд шинжилгээ хийснээс коронавируст халдварын 44 тохиолдол нэмж бүртгэгдлээ. Нийт батлагдсан тохиолдол 3076 боллоо. Дотоодод халдвар авсан 2557 хүн байна. Нийт тохиолдлын 2415 хүн эдгэрсэн байна. Сүүлийн 24 цагт 55 хүн эдгэрч эмнэлгээс гарсан байна. Сүүлийн 24 цагт халдвар авсан хүмүүсээс Улаанбаатарт 42, Завхан аймагт 2 тохиолдол батлагдлаа.
Улаанбаатар хотын нийт өвчлөл 2229 боллоо. 2 хүний халдварын эх уурхайг тогтоохоор ажиллаж байна.
Гурван эмнэлэгт нийт 657 хүн эмчлүүлж байна. Биеийн байдлыг үнэлбэл, хөнгөн 591, хүндэвтэр 57, хүнд 7, маш хүнд 2 байна. Ер нь сүүлийн үед эмчлэгдэж байгаа хүмүүсийн биеийн байдал хүндэрч байна.
Уламжлалт баяр ёслолыг аль болох тэмдэглэхээс татгалзах хэрэгтэй.
