Коронавирусын эсрэг дархлаажуулалтын вакцин 2 дугаар сарын 23-наас эхлээд 8 хонож байгаа билээ. Энэ хугацаанд вакцинд эрүүл мэндийн байгууллагын 11,120 хүн хамрагдаад байгаа билээ.
Өнөөдрийн байдлаар 22 цэгт дархлаажуулалтыг хийж байгаа бөгөөд энэ тоог нэмэгдүүлэхээр ажиллаж байгаа юм байна.
Энэ талаар Шадар сайд С.Амарсайхан: Вакцинжуулалтыг эрчимжүүлэх шийдвэр гарсан. Цаашдаа вакцины татан авалтыг нэмэгдүүлнэ. Цаг хугацааг түргэвчлүүлэх тал дээр анхаарч ажиллаж байна. Гэхдээ биднээс шалтгаалахгүй асуудлууд байна. Дэлхий нийтээрээ өрсөлдөж байна.
Засгийн газар аль болох ард иргэдээ хурдацтай, эрчимтэй вакцинжуулахад анхаарч байна. Гуравдугаар сарын 15-наас вакцинжуулалт эрчимтэй үргэлжилнэ гэж ойлгож болно гэлээ.
