2020 оны аравдугаар сарын 1-ны 17:00 цагийн үед Ард кино театрын буудал дээр байрлах “Circle K” салбарын угаалгын өрөөнд дөнгөж төрсөн нярай хүүхдийг хаясан байхыг олсон. Тус нярайг төрүүлсэн эмэгтэй хүүхдээ төрүүлээд хогийн саванд хаяж, дээрээс нь кофены шаар асгасан байсан юм.
Тус эмэгтэйг Чингэлтэй дүүргийн цагдаагийн хэлтэст шалгаж дууссан байна. Хүүхдээ төрүүлээд хаяад явсан эмэгтэйд нярайд эмнэлгийн анхан шатны тусламж үзүүлэлгүй, амьд байхад нь алах зорилгоор суултуурын усанд хийж урсгах гэж оролдсон, улмаар хогийн саванд хийж хаяж санаатай алах үйлдэл хийсэн гэх үндэслэлээр 18 жилийн хорих ял оноосон байна.
