Увс аймгийн Малчин сумаас Улаанбаатар хотод ирсэн иргэнээс коронавирус илэрсэн байна. Тиймээс уг иргэний ойрын хавьтлыг тодорхойлж тусгаарлан шинжилгээ авахаар Увс аймгийн Улаангом, Малчин, Наранбулаг, Зүүнговь сумаас гарах хөдөлгөөнийг 2021 оны гуравдугаар сарын 1-ний шөнийн 23:00 цагаас 2021 оны гуравдугаар сарын 3-ны шөнийн 23:00 цаг хүртэл хугацаанд хязгаарласан байна.
Авч хэрэгжүүлж байгаа арга хэмжээтэй холбогдуулан дээрх 4 сумын ерөнхий боловсролын сургууль, цэцэрлэгийн хичээл сургалтын үйл ажиллагааг түр хугацаагаар зогсоожээ.
