Өнөөдөр Сүхбаатарын талбайд иргэн Э өөрийгөө шатааж харамсалтайгаар амь насаа алдсан билээ. Цагдаагийн газраас өгсөн мэдээллээр тухайн амь хохирогчийн биеэс 1987 онд төрсөн Э гэдэг хүний бичиг баримт гарч ирсэн. Гэхдээ энэ бичиг баримт тухайн иргэнийх мөн эсэхийг тодруулж шалгана гэсэн юм.
Амь хохирогчийгн хэн болох, ямар учир шалтгаанаар ийм үйлдэл хийх болов гэдэг нь мөрдөн шалгах ажиллагааны дүнд тодорхой болно. Цагдаагийн байгууллагаас бүх камерын бичлэгийн баримтжуулж авсан хэмээсэн.
Тэгвэл Монгол Улсын Ерөнхийлөгч Х.Баттулга Тагнуулын ерөнхий газрын дарга П.Одонбаатар, Дотоодын цэргийн командлагч бөгөөд ,Цагдаагийн ерөнхий газрын дарга Ж.Болд нартай уулзаж, Сүхбаатарын талбайд иргэн Э харамсалтайгаар амь насаа алдсан явдлыг яаралтай шалгаж, учир шалтгааныг нэн даруй олж тогтоохыг даалгалаа.
