Эрүүл мэндийн яамнаас коронавирусын нөхцөл байдлын талаар мэдээлэл хийлээ.
ХӨСҮТ-ийн Тандалт, судалгааны албаны дарга А.Амбасэлмаа: 2021.02.02-ний өдрийн байдлаар нийт 15897 хүнд шинжилгээ хийхэд 27 хүнээс халдвар илэрлээ. 27 тохиолдол бүгдээрээ Улаанбаатарт хотод бүртгэгдсэн бөгөөд батлагдсан тохиолдлуудын ойрын хавьтлаар тусгаарлагдсан хүмүүсийн давтан, сүүлийн батлагдсан тохиолдлын хавьтлуудын эхний шинжилгээнд халдвар илэрсэн.
Ингэснээр Улаанбаатар хотод нийт 1024 хүн халдвар авсан бол дотоодод тархсан кластераас 1350 тохиолдол илэрлээ. Монголд коронавирусын батлагдсан тохиолдол 1859 болоод байна. Харин 21 хүн эдгэрч эмнэлгээс гарлаа.
Одоогоор ХӨСҮТ, Цэрггийн төв эмнэлэг, Хан-Уул дүүргийн эмнэлэг, ХСҮТ-д 454 эмчлүүлж байгаагаас нэг хүний бие маш хүнд байна.
