ЭМЯ-ны ээлжит мэдээллийнн үеэр ХӨСҮТ-ийн Тандалт судалгааны албаны дарга А.Амбасэлмаа нийслэлд шинэ голомт үүссэн талаар хэллээ. СХД-ийн 21-р хорооны худалдааны төвөөс нэг тохиолдол нэмэгдэж түүний ойрын хавьтлын хүмүүст шинжилгээ хийхэд найман хүнээс халдвар илэрсэн байна. Ингээд шинэ голомт үүсэж байгаа юм. Харин дараах голомтуудад халдвар идэвхитэй байгаа учир иргэд анхаарал болгоомжтой байхыг санууллаа.
Үүнд:
- Шинээр нэмэгдсэн голомт бол СХД-ийн 21-р хорооны худалдааны төв.
- БЗД-ийн 8-р хорооны X апартмент,
- GB tower-т байрладаг банк бус санхүүгийн байгууллага,
- Гутлын цех,
- Микс пицца,
- Наркологийн эмнэлэг,
- Монос оффис,
- Асрамжийн газартай холбоотой,
- Гэр бүлээс эхтэй буюу БЗД-ийн 5-р хорооны 6-р байр,
- БГД-ийн 12 дугаар хороо гэсэн голомтуудад халдварын тархалт идэвхтэй үргэлжилж байна.
Сүүлийн хоногт 35 тохиолдол нэмэгдэж Улаанбаатар хотод илэрсэн халдварын нийт тохиолдол 980 боллоо.
