УОК-ын шуурхай штабаас цаг үеийн асуудлаар мэдээлж байна.
Гадаад харилцааны яамны консулын газрын дарга Л.Мөнхтүшиг: Гадаад харилцааны яам өнгөрсөн 2 сар гаруйн хугацаанд тусгай үүргийн онгоц цуцлагдсантай холбоотойгоор хилийн чанадад байгаа монголчууддаа санхүүгийн болон бусад дэмжлэгүүд үзүүлээд байна. Энэ хүрээнд 2020 оны 11, 12 сарын нислэг цуцлагдсан 100 орчим иргэнд тусламж үзүүлсэн.
Өндөржүүлсэн бэлэн байдалд шилжсэнээс хойш ГХЯ-наас УОК-т гадаадад байгаа иргэдээ татах саналыг тогтмол тавьж ирсэн. Энэ сард УОК-ын шийдвэрийн дагуу БНСУ руу нислэг үйлдсэн. Тус улс руу нэмэлтээр хоёр удаагийн нислэгээр 320 орчим иргэнээ татан авахаар боллоо. Энэ сард үндсэндээ гурван нислэг үйлдээд дуусна.
Хоёрдугаар сарын нислэгийн саналаа УОК-т танилцуулах ба энэ сарын 27-нд нислэгийн хуваарийг албан ёсоор зарлана. Нутаг буцах хүсэлтэй иргэд өнгөрсөн хугацаанд огцом нэмэгдлээ. Нутаг буцах хүсэлтэй 8000 гаруй иргэн байна.
Энэ сардаа багтаад ирэх хүсэлтэй 2600 орчим байна. БНСУ, Япон, Зүүн Өмнөд Азийн орнуудад байгаа 6000 гаруй хүн, АНУ 1400 хүн, Австралид 93 хүн, Африкт 3хүн, Европт 500 гаруй хүн байна.
