Улсын хэмжээнд коронавирусын халдвар авсан батлагдсан тохиолдол 1517 боллоо. Сүүлийн 24 цагийн хугацаанд 5 хүнээс халдвар илэрч, дотоодоосоо халдсан халдвар 1016 болсон.
Халдвар авсан 5 хүний нэг нь Улсын нэгдүгээр төв эмнэлэгт энэ сарын 16-нд хэвтсэн хүнээс илэрсэн бөгөөд тус иргэний биеийн байдал хүнд байгаа талаар ХӨСҮТ-өөс мэдээллээ. Уг өвчтөнийг тусгаарлан авч, шинжилгээ хийсэн. Тандалт судалгаа үргэлжилж байгаа аж. Харин 4 хүн нь батлагдсан тохиолдлын ойрын хавьтал хүмүүсээс илэрчээ.
Монгол Улсын хувьд нийт батлагдсан тохиолдол 1517, эдгэрсэн 947 хүн байна. ХӨСҮТ, Цэргийн төв эмнэлэг, Хан-Уул дүүргийн эмнэлэгт нийт 559 хүн эмчилгээнд байна. Биеийн байдал маш хүнд 2, хүнд 4, хүндэвтэр 41, хөнгөн 512 хүн эмчилгээнд байна.
