Сэлэнгэ аймагт нийтдээ 217 хүн коронавирусын халдвараар өвдөөд байсан. Тэгвэл өнөөдөр халдвар авсан 217 хүнийг эмчилж, эдгээж гэрийн хяналтад бүрэн гаргаад байна.
Сэлэнгэ аймгийн Нэгдсэн эмнэлгийн Ковидын тасагт эмчлэгдэж байсан 7 иргэн бүрэн эдгэрч бүгд сувилалын хяналтад шилжлсэн сайхан мэдээтэй байна.
Сэлэнгэ аймагт одоо халдвартай хүн байхгүй. Тус аймагт өдөр бүр 100-150 хүнд шинжилгээ хийж байгаа бөгөөд халдвар илрээгүй. Сэлэнгэ аймгийн голомт үндсэндээ хяналтад орлоо хэмээн ХӨСҮТ-ийн Тандалт судалгааны албаны дарга А.Амбасэлмаа мэдээлэв.
Аймгийн хэмжээнд хяналт, тандалтын ажлыг үргэлжлүүлэн хийж байна. Сэлэнгэ аймаг “Ногоон бүс” болох ойрхон байгаа хэдий ч энэ цаг үед ард иргэд маань анхаарал, сэрэмжээ алдалгүй халдвар, хамгааллын дэглэмээ сахиарай.
