Замын-Үүд дэх гаалийн хяналтын бүсээр 2020 оны 12 сарын 29-ны өдөр Монгол Улсын иргэн “Ж”-ын жолоодож явсан ачааны машинд ачигдсан бараанд гаалийн хяналт шалгалт хийлээ.
Энэ үеэр зургаан нэр төрлийн нийт 69 хайрцаг бүхий эм, эмнэлгийн хэрэгслийг нууж, улсын хилээр хууль бусаар нэвтрүүлэхийг завдсан үйлдлийг илрүүллээ.
Эм, эмнэлгийн хэрэгсэл нь тарифын бус хязгаарлалттай бараа бөгөөд тусгай зөвшөөрөлгүй хуулийн этгээд, иргэн импортлохыг хориглодог талаар Гаалийн Ерөнхий газраас мэдээллээ.
