Төв аймгийн Батсүмбэр сум руу Улаанбаатар хотоос баталгаат бус замаар зорчиж байгаа зөрчил их гарах болжээ. Батсүмбэр сум нь Тодруулбал, Улаанбаатар хотоос тус сум руу Үдлэг багийн Харганы даваа, Халзан, Гүнтийн даваагаар гэхчлэн баталгаат бус замаар зорчих нь ихэссэн байна. Иймээс хууль бус үйлдлийг таслан зогсоохоор Чингэлтэй, Сүхбаатар, Сонгионохайрхан дүүргийн Онцгой комиссуудтай хамтран 24 цагаар хөдөлгөөнт эргүүлийг гарган ажиллаж эхэлсэн бөгөөд 2021.01.05-ны өдрийн байдлаар 30 минутын хугацаанд 4-5 автомашиныг илрүүлэн буцаажээ.
Баталгаат бус замаар зөвшөөрөлгүй зорчиж буй иргэдийг Зөрчлийн тухай хуулийн 5.13. 2-р хэсэгт зааснаар Гамшиг, аюулт үзэгдэл, халдварт өвчин, осол, аюулын үед эрх бүхий байгууллагаас тогтоосон хорио цээр, хөдөлгөөний хязгаарлалт, тэдгээрийн дэглэм зөрчсөн, эсхүл саад учруулсан нь эрүүгийн хариуцлага хүлээлгэхээргүй бол хүнийг таван зуун нэгжтэй тэнцэх хэмжээний төгрөгөөр торгох, эсхүл 7-30 хоногийн хугацаагаар баривчлах шийтгэл оногдуулах, хуулийн этгээдийг 5000 нэгжтэй тэнцэх хэмжээний төгрөгөөр торгох заалттай.
