Японы сумо бөхийн холбооноос 69 дэх Их аварга Хакүхо М.Даваажаргалыг коронавирусний шинжилгээгээр халдвар авсан болохыг мэдээлсэн байна. Энэ талаар Японы сумо бөхийн дээд буюу Макүүчи зиндааны Их аварга цолтон Хакүхо аваргын үнэрлэх чадвар алдагдаж байсан учраас шинэ коронавирус илрүүлэх шинжилгээг өгсөн гэж Японы сумо бөхийн холбооны сайтад мэдээлсэн байна.
Мөн кёкүшюзан Батбаяр өөрийн цахим хуудаснаа “Монгол Улсын Хөдөлмөрийн баатар, Гавъяат тамирчин, Японы мэргэжлийн сүмо бөхийн 69 дэх их аварга Хакухо М. Даваажаргал коронавирусын халдвар авсныг сумо бөхийн холбооноос албан ёсоор зарлалаа. Монгол Улсын нэрийг дэлхийн дэвжээнд дуурсгасан их хүчтэн минь бие, сэтгэлийн их хүчээр дэлхий нийтийг айдаст автуулсан вирусыг ялан дийлээрэй. Монголын ард түмний хайртай хүү минь, Монголчууд бүгд Их аварга таньтай хамт байгаа шүү. Эрүүл энхийг хүсье* гэжээ.
Хакүхо М.Даваажаргал эмч мэргэжилтнүүдийн хяналтад байгаа бөгөөд Мияагино дэвжээний бөхчүүдээс шинжилгээ авахаар болжээ. 2020 нэгдүгээр сарын 10-ны өдөр эхлэх барилдаанаас тав хоногийн өмнө түүний шинжилгээ эерэг гэсэн мэдээ ирж батлагдсан бөгөөд Японы сумо бөхийн холбоо тэмцээнийг хойшлуулж магадгүй байгаа юм байна.
