Дэлхийн 40 гаруй орон коронавирусын эсрэг вакцинжуулалтаа эхлүүлээд байна. Харин манай улс 2021 оны нэгдүгээр улиралд шинэ коронавирусийн эсрэг вакциныг оруулж ирэх бэлтгэлийг ханган ажиллаж байгаа билээ. Эхний ээлжинд вакцинд хамрагдах иргэдийн нэрсийг жагсаалтыг нэг бүрчлэн гаргахаар ажиллаж байгаа гэнэ.
Шадар сайд Я.Содбаатар: Манай улс вакцинжуулалтад аль болох эрсдэл багатай хүрэх шаардлага байна. Нэгдүгээр улиралд багтаж вакцинжуулалтыг эхлэнэ гэсэн тооцоо бий. Энэ хүртэл бид халдварыг хамтдаа эрсдэл багатай даван туулах учиртай.
Вакцинжуулалтыг сайн дурын үндсэн дээр хийдэг. Бид хүйтэн хэлхээ 0-8 градус буюу дэлхийн хэмжээнд гараад байгаа гурван ч вакциныг хүлээн авах боломжтой. Вакциныг голомтод ажиллаж байгаа хүмүүст эхлээд хийнэ. Дараа нь суурь өвчтэй хүмүүсийн жагсаалтыг гаргасан. Эхний вакцинд хамрагдах 10 мянган хүн, дараагийн 300 хүнийг салбар байршлаар нь гаргахаар ажиллаж байна.
Вакцинжуулалтыг дагаад томоохон бүртгэл гарна. Манай улс вакцин хийлгэсэн хүмүүсийг бүртгэлжүүлэх ажлыг, цахим бүртгэлийг хийнэ* гэв.
