Засгийн газрын хуралдаанаар нийслэлд тогтоосон хөл хориог дахин тав хоногоор сунгах шийдвэрийг гаргажээ. Хөл хорионы дэглэм нэгдүгээр сарын 6-нд буюу Лхагва гариг хүртэл тогтоосон байсан юм.
ЭМЯ-наас хөл хориог 14 хоног сунгах санал гаргасан ч Засгийн газрын хуралдаанаас уг саналыг дэмжээгүй байна.
2020 оны 12-р сарын 23-наас эхлэн нийслэлийн хэмжээнд бүх нийтийн бэлэн байдлын зэрэгт шилжсэн. Энэ хугацаа нэгдүгээр сарын 6-ны өдрөөр дуусгавар болж буй бөгөөд дахин тав хоног сунгаснаар нэгдүгээр сарын 11-нийг хүртэл хөл хорио үргэлжлэхээр боллоо.
